QKPISH (Qendra e Koordinimit dhe Përhapjes së Informacionit Shkencor) është njësi pranë Akademisë së Shkencave të Shqipërisë (ASHSH) që koordinon rrjetin e përbashkët online të qendrave të informacionit dhe
kërkimit shkencor në Shqipëri, nëpërmjet platformave COBISS.AL (Sistemi dhe shërbimet e përbashkëta bibliografike online në Shqipëri dhe ECRIS.AL (Sistemi i informacionit për veprimtarinë kërkimore në Shqipëri)
për digjitalizimin, rritjen dhe pasurimin me informacione të indeksuara si edhe qasje në përmbajtjet e lidhura me krijimtarinë shkencore në Shqipëri dhe më gjerë.
- planifikimi dhe bashkërendimi i aktiviteteve për lidhjen në rrjet të bibliotekave të Shqipërisë në sistemin COBISS.AL;
- menaxhimi i bazës së të dhënave të përbashkët bibliografike COBIB.AL dhe ECRIS.AL;
- sigurimi i programit COBISS dhe i manualëve për katalogimin e përbashkët, funksionet lokale të bibliotekave dhe shërbime të tjera për të gjithë anëtarët e rrjetit COBISS.AL;
- organizimi i trajnimeve si dhe ndihma profesionale për bibliotekat dhe përdoruesit e tjerë të programit dhe shërbimeve COBISS;
- kualifikimi profesional i stafit të bibliotekave dhe vlerësimi i stafit të bibliotekave për marrjen e licensave për katalogimin e përbashkët;
- sigurimi i aksesit në burime të informacionit dhe bazat e të dhënave për bibliotekat dhe përdoruesit e tjerë;
- ndihma profesionale për bibliotekat në procesin e konvertimit dhe transferimit të të dhënave nga sisteme të tjera.
